މިނިސްޓަރ އާދަމް ޝަރީފު ޢުމަރު ލ. އިސްދޫ ކައުންސިލާ ބައްދަލުކުރައްވައިފިއެވެ. ސްޓެލްކޯ ޓްރެއިނިން ރޫމުގައި ބޭއްވި މިބައްދަލުވުމުގައި އިސްދޫއާއި ކަލައިދޫ އެއްރަށެއްގެ ގޮތުގައި ހަމަޖެއްސުމާއި ގުޅޭގޮތުން މަޝްވަރާކުރެވުނެވެ.

މިބައްދަލުކުރެއްވުމުގައި އިސްދޫއާއި ކަލައިދޫ އެއްރަށެއްގެ ގޮތުގައި ހަމަޖައްސަވައިދެއްވައި، އެއް ކައުންސިލެއް އޮންނަގޮތަށް ހައްދަވައި ދެއްވުން އެދިވަޑައިގެން އެކަމާ ބެހޭގޮތުން ކައުންސިލާއި މިނިސްޓަރ އާއި ދެމެދު ވަނީ މަޝްވަރާކުރެވިފައެވެ.

މިބައްދަލުކުރެއްވުމުގައި މިނިސްޓަރ އާދަމް ޝަރީފް ޢުމަރުގެ އަރިހުގައި، ސްޓޭޓް މިނިސްޓަރ އަޙްމަދު ސާލިމާއި، ލ. އަތޮޅު ހިމެނޭ ކުލަސްޓަރ ބެލެހެއްޓެވުމާއި ޙަވާލުވެ ހުންނެވި ޑެޕިޔުޓީ މިނިސްޓަރ އިނާޒު އަލީ ބައިވެރިވެވަޑައިނެވިއެވެ.