ރިޔާސީ އިންތިޚާބާއި، ރައްޔިތުންގެ މަޖިލިހުގެ އިންތިޚާބު އެއްދުވަހެއްގައި ބޭއްވުމަކީ ރާއްޖޭގެ ހިންގުމަށް ހެޔޮ ބަދަލެއް އަންނާނެ ކަމެއް ކަމަށް މިނިސްޓަރ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް އާދަމް ޝަރީފު ޢުމަރު ވިދާޅުވެއްޖެއެވެ.

ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބުދެއްވަމުން މިނިސްޓަރ ވިދާޅުވީ އެއްދުވަހެއްގައި ދެ އިންތިޚާބު ބާއްވަނީ އެކަމަށް ކުރަންޖެހޭ ޚަރަދުތައް ބޮޑުވާތީ ކަމަށެވެ. 

އަދި ދެ އިންތިޚާބު އެއްދުވަހެއްގައި ބޭއްވުމަކީ ކެމްޕޭނުގެ ދުވަސްވަރު އެކަމަކަށް ހުސްވެގެން ތިބޭ ތިބުމުގެ ބަދަލުގައި ބިނާކުރަނިވި މަސައްކަތް ކުރަން އިތުރު ވަގުތު ލިބިގެންދާނެ ކަމެއް ކަމަށް މިނިސްޓަރ ވިދާޅުވިއެވެ.

''އެއް ދުވަހު, އިންތިޚާބު އެޑްމިނިސްޓްރޭޓިވް މަސައްކަތް ފަސޭހަކުރުމަށް މި ބޭއްވޭ ބޭއްވުމަކީ ވަރަށް ހަރުދަނާ އަދި ރާއްޖޭގެ ހިންގުމަށް ހެޔޮ ބަދަލުތަކެއް އަންނާނެ ކަމެއް'' މިނިސްޓަރ ވިދާޅުވިއެވެ.