މިނިސްޓރ އާދަމް ޝަރީފު ޢުމަރު ގއ. ކޮލަމާފުށީ ކައުންސިލާ ބައްދަލުކުރައްވައިފިއެވެ. މިއަދު އޮތް މި ބައްދަލުކުރެއްވުމުގައި ކޮލަމާފުށީގައި ކުރިއަށްދާ، އަދި ފެށުމަށް ހަމަޖެހިފައިވާ ތަރައްޤީގެ މަޝްރޫޢުތަކާ ބެހޭގޮތުން މަޝްވަރާކުރެވުނެވެ.

މިބައްދަލުކުރެއްވުމުގައި ކައުންސިލްތައް ބާރުވެރިކޮށް ލާމަރުކަޒީ ނިޒާމު ހަރުދަނާކުރެއްވުމަށް މިނިސްޓަރާއި، މިނިސްޓްރީން ކުރައްވަމުން ގެންދަވާ މަސައްކަތް ފާހަގަ ކުރައްވައި، ކޮލަމާފުށީ ކައުންސިލުން ވަނީ ޝުކުރު އަދާކުރައްވާފައެވެ.

މީގެ އިތުރުން ކައުންސިލަށް ދިމާވެފައިވާ ދަތިތަކާބެހޭގޮތުން މަޝްވަރާކޮށް، ދަތިވާ ކަންކަމުގައި މިނިސްޓްރީގެ އެހީތެރިކަން ދެއްވުމަށް ކައުންސިލުން ވަނީ އެދިފައެވެ. މިނިސްޓަރގެ ވާހަކަފުޅުގައި ވިދާޅުވެފައިވަނީ، އަބަދުވެސް މަސައްކަތް ކުރައްވަނީ ކައުންސިލްތައް ބާރުވެރިކުރަން ކަމުގައެވެ.

މިބައްދަލުކުރެއްވުމުގައި މިނިސްޓަރ އާދަމް ޝަރީފް ޢުމަރުގެ އަރިހުގައި، ސްޓޭޓް މިނިސްޓަރ އަޙްމަދު ސާލިމާއި، އަތޮޅު ކުލަސްޓަރގެ މަސައްކަތް ބަލަހައްޓަވާ ސީނިއަރ ޕޮލިޓިކަލް ޑިރެކްޓަރ ތަޤިއްޔު އިބްރާހިމް އަދި މުޙައްމަދު އަސްޢަދު ބައިވެރިވެވަޑައިނެވިއެވެ.