ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ މިނިސްޓްރީ އާއި ފުވައްމުލައް ސިޓީ ކައުންސިލާ ދެމެދު އޮތް ގުޅުމުގެ އަގު ވަޒަން ކުރައްވާ ކަމުގައި ފުވައްމުލައް ސިޓީގެ މޭޔަރ އިސްމާޢިލް ރަފީޤް ވިދާޅުވެއްޖެއެވެ.

މޭޔަރ މިހެން ވިދާޅުވީ ފޭސްބުކުގައި ކުރެއްވި ކޮމެންޓެއްގައެވެ. ކޮމެންޓުގައި މޭޔަރ ވިދާޅުވެފައިވަނީ މިނިސްޓްރީ އާއި ފުވައްމުލައް ސިޓީ ކައުންސިލާ ދެމެދު އޮތް ގުޅުމުގެ އަގު ވަޒަން ކުރައްވާ ކަމަށެވެ.

ރައީސުލްޖުމްހީރިއްޔާ ޑރ. މުޙައްމަދު މުއިއްޒުގެ ސަރުކާރުން ރަށު ކައުންސިލްތަކާއި، ސިޓީ ކައުންސިލްތައް އަދި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތައް ބާރުވެރި ކުރުމަށާއި ލާމަރުކަޒީ ނިޒާމު ހަރުދަނާކޮށް ކައުންސިލްތަކަށް ދިމާވެފައި ހުރި ގޮންޖެހުންތައް ނައްތާލުމަށާއި ކައުންސިލްތައް މާލީ ގޮތުން ބާރުވެރިކުރުމަށް އަންނަނީ ގިނަ މަސައްކަތްތަކެއް ކުރައްވަމުންނެވެ.