news photo

މ. އަތޮޅު ކައުންސިލްގެ މެންބަރުންނާއެކު ބައްދަލުވުމެއް ބާއްވައިފި

25 އޯގަސްޓު 2025

މ. އަތޮޅު ކައުންސިލްގެ މެންބަރުންނާއެކު ބައްދަލުވުމެއް ބާއްވައިފިއެވެ. އެ ކައުންސިލްގެ އެދިލެއްވުމަކާ ގުޅިގެން މިއަދު މިނިސްޓްރީގެ ރަށްވެހި މާލަމުގައި ބޭއްވި މި ބައްދަލުވުމުގައި ސްޓޭޓް މިނިސްޓަރ އަޙްމަދު ސާލިމާއި، ސްޓޭޓް މިނިސްޓަރ އަޙްމަދު ރަޝީދުގެ އިތުރުން މ. އަތޮޅުގެ ކަންކަން ބެލެހެއްޓެވުމާއި ޙަވާލުވެ ތިއްބެވި މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ބައެއް ބޭފުޅުން ބައިވެރިވެލެއްވިއެވެ. 

މި ބައްދަލުވުމުގައި މައިގަނޑު ގޮތެއްގައި ވާހަކަ ދެކެވުނީ އަތޮޅު ކައުންސިލާއި އަދި ރަށު ކައުންސިލުތަކުގައި މިހާރު ކުރިއަށްގެންދާ މަޝްރޫޢުތަކާއި، އެ މަޝްރޫޢުތަކުގެ މަސައްކަތްތައް ހިނގަމުންދާ ގޮތާ ގުޅޭ ގޮތުންނެވެ.

މިއަދު އޮތް މި ބައްދަލުވުމުގައި މ. އަތޮޅު ކައުންސިލްގެ ރައީސް މުޙައްމަދު ނިމާލުގެ އިތުރުން ސެކްރެޓަރީ ޖެނެރަލް މުޙައްމަދު ނިޔާޒާއި، މުލި، ކޮޅުފުށި، ދިއްގަރު، ނާލާފުށި، މަޑުއްވަރީ ، ވޭވަށް އަދި ރަތްމަންދޫ ކައުންސިލް ރައީސް ބައިވެރިވެލެއްވިއެވެ.