އަތޮޅުތެރޭގެ ރަށްރަށުގައި އޭޓީއެމް ބެހެއްޓުމަކީ ރައްޔިތުން އުފަލާއެކު ބަލައިގަންނަ ކަމެއް ކަމަށް މިނިސްޓަރ އޮފް ސިޓީސް، ލޯކަލް ގަވަރމަންޓް އެންޣެ ޕަބްލިކް ވަރކްސް އޮނަރަބްލް އާދަމް ޝަރީފު ޢުމަރު ވިދާޅުވެއްޖެއެވެ. 

މިނިސްޓަރ އާދަމް ޝަރީފު ޢުމަރު މިހެން ވިދާޅުވީ އެކްސްގައި އިއްުޔެ ކުރެއްވި ޕޯސްޓެއްގައެވެ. އެ މަނިކުފާނު ވިދާޅުވީ ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމް ބެހެއްޓުމަކީ އެތައް ގޮތަކުން ބޭނުންްތެރި ކަމެއް ކަމަށެވެ. 

"މާލޭގައި އޭ.ޓީ.އެމް ބެހެއްޓުމުން ރައްޔިތުންނަށް ލުއިފަސޭހަކަން ލިބޭ ފަދައިން ރަށްރަށުގައި އޭ.ޓީ.އެމް ބެހެއްޓުމުން އެ ކަމުގެ ލުއިފަސޭހަކަން ރަށްރަށުގައި ދިރިއުޅޭ ފަރާތްތަކަށް ލިބޭ. އެ ކަން ރަށްރަށުގެ ރައްޔިތުން އުފަލާއެކު ބަލައިގަނޭ. ރާއްޖޭގެ މީހުން ދިރިއުޅޭ ހުރިހައި ރަށެއްގައި އޭ.ޓީ.އެމް ބެހެއްޓުމަކީ އެތައް ގޮތަކުން ބޭނުންތެރި ކަމެއް" މިނިސްޓަރ ވިދާޅުވިއެވެ. 

ރައީސް ޑރ. މުހައްމަދު މުއިއްޒުގެ ވައުދާއެއްގޮތަށް ރާއްޖޭގެ މީހުން ދިރިއުޅޭ ކޮންމެ ރަށެއްގައި އޭޓީއެމް ބެހެއްޓުމުގެ މަސައްކަތް ބާރު ސްޕީޑުގައި ދަނީ ކުރިއަށެވެ. ސަރުކާރުގެ އަމާޒަކީ މި އަހަރު ނިމެންވާއިރަށް ރާއްޖޭގެ މީހުން ދިރިއުޅޭ ހުރިހާ ރަށެއްގައި އޭޓީއެމް ބެހެއްޓުމެވެ. މިހާރު އޭޓީއެމް ހުރި ބައެއް ރަށްރަށުގައި ޑޮލަރު އޭޓީއެމް ވެސް އަންނަނީ ބަހައްޓަމުންނެވެ.