ރ. މާކުރަތު ކައުންސިލްގެ މެންބަރުންނާއެކު މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްއިން ބައްދަލުވުމެއް ބާއްވައިފިއެވެ. 

މިނިސްޓްރީގެ ރަށްވެހި މާލަމުގައި އިއްޔެ އޮތް މި ބައްދަލުވުމުގައި މާކުރަތުގައި ޤާއިމްކުރައްވާ ޕަބްލިކް ވަރކްސް ޔުނިޓާއި، ކައުންސިލް އިދާރާގެ އައު ޢިމާރާތުގެ އިތުރުން ކައުންސިލުން ރަށުގައި ދެއްވަމުން ގެންދަވައި ޚިދުމަތްތަކާ ބެހޭ ގޮތުން މަޝްވަރާކުރެވިފައި ވެއެވެ. މީގެ އިތުރުން ރަށުގެ ތަރައްޤީގެ މަޝްރޫޢުތައް އަވަސް ކުރުމާ ގުޅޭ ގޮތުން ވެސް މަޝްވަރާ ކުރެވުނެވެ. 

މާކުރަތު ކައުންސިލުގެ މެންބަރުންނާއެކު ބޭއްވި މި ބައްދަލުވުމުގެ ރިޔާސަތު ބެލެހެއްޓެވީ ޑެޕިޔުޓީ މިނިސްޓަރ ސިމަން ހާދީއެވެ. ސިމަންގެ އަރިހުގައި ރ. އަތޮޅު ކަންކަން ބެލެހެއްޓުމާ ޙަވާލުވެ ހުންނެވި ކޯޑިނޭޓަރ ވެސް ބައިވެރިވެލެއްވިއެވެ.