ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާބެހޭ ވުޒާރާ، ނުވަތަ މިނިސްޓްރީ އޮފް ސިޓީސް، ލޯކަލްގަވަރމެންޓް އެންޑް ޕަބްލިކް ވަރކްސް ގެ ނަމުގައި، ދިވެހިރާއްޖޭގެ ޖުމްހޫރިއްޔާގެ ޤާނޫނު އަސާސީގެ 116 ވަނަ މާއްދާގެ (ހ) ގެ ދަށުން، ރައީސުލްޖުމްހޫރިއްޔާ ޑޮކްޓަރ މުޙަންމަދު މުޢިއްޒު މިވުޒާރާ އުފައްދަވާފައިވަނީ 17 ނޮވެންބަރު 2023 ގައެވެ.
މިވުޒާރާއަކީ ޤާނޫނުއަސާސީގެ އަށްވަނަ ބާބުގައި ބަޔާންވެގެންވާ ލާމަރުކަޒީ އުޞޫލުން އިދާރީ ދާއިރާތައް ހިންގުމަށް ކަނޑައަޅާފައިވާ ދުސްތޫރީ މަޤްޞަދުތަކާއި، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމާބެހޭ ޤާނޫނު (ޤާނޫނު ނަންބަރު 2010/7) ގައި ބަޔާން ކުރެވިފައިވާ ޤާނޫނީ މަޤްޞަދުތައް ޙާޞިލު ކުރުމަށްޓަކައި އެކަމަށް ޚާއްޞަކުރެވިގެން ދިވެހިދައުލަތުގެ ފަރާތުން އެންމެ ފުރަތަމަ އުފެއްދި ވުޒާރާއެވެ.