ރަޖިސްޓްރީ ކުރުން

• ރޯދަ ހަދިޔާގެ ޓޯކަން ލިބިލައްވާނީ roadhahadhiya.mv ޕޯޓަލް މެދުވެރިކޮށެވެ.
•  ޕޯޓަލްގައި ރަޖިސްޓްރީ ކުރެވޭނީ ޢުމުރުން 18 އަހަރުވެފައިވާ ދިވެހި ރައްޔިތަކަށް، ޕޯޓަލްގައި ބުނެފައިވާ މަޢުލޫމާތު ފުރިހަމަ ކޮށްގެންނެވެ.
• ކޮންމެ ފަރާތަކަށް ވެސް، ރަޖިސްޓްރީ ކުރެވޭނީ އައިޑީކާޑު ބޭނުން ކޮށްގެންނެވެ.
• އެކަކަށް ގިނަވެގެން ރަޖިސްޓްރީ ކުރެވޭނީ ދެ ގޭބިސީގެ ކަރަންޓް މީޓަރަށެވެ. މި ގޮތަށް ރަޖިސްޓްރީ ކުރެވޭނީ ވެސް އެއް ރިކުއެސްޓެއްގައި ނުވަތަ އެއް ޓޯކަނެއްގައެވެ.
• މަސްދަޅުކޭސް ހޯދުމަށް ޓަކައި ޕޯޓަލްގައިވާ، މަރުކަޒުތަކުގެ ތެރެއިން އެ ފަރާތަކުން ބޭނުންވެލައްވާ މަރުކަޒަކާއި، ތާރީޚަކާއި އަދި ގަޑިއެއް ވެސް އިޚްތިޔާރުކުރެވޭނެއެވެ.
• ރަޖިސްޓްރީވުމުން ޓޯކަންއެއް ލިބިލައްވާނެއެވެ.
• ރަޖިސްޓްރޭޝަނަށް ފަހުވެސް ކުރިން އިޚްތިޔާރުކުރި މަރުކަޒާއި، ތާރީޚާއި އަދި ވަގުތު ބަދަލު ކުރަން ބޭނުންވެލައްވާ ނަމަ، ކުރިން ނެންގެވި ޓޯކަން ކެންސަލްކުރުމަށް ފަހު، އައު ޓޯކަން އެއް ޕޯޓަލް މެދުވެރިކޮށް ނެގޭނެއެވެ. އެހެންނަމަވެސް މި ގޮތަށް ޓޯކަން ނެގޭނީ ކުރިން ނެންގެވި ޓޯކަން ކެންސަލް ކުރުމަށް ފަހުގައެވެ. 

ރޯދަ ހަދިޔާ ބަލައި ދުރުވާއިރު ސަމާލުކަން ދޭންވީ ކަންތައްތައް

• ރޯދަ ހަދިޔާ ލިބޭނީ ޓޯކަން ރަޖިސްޓްރީ ކުރެއްވި ފަރާތަށެވެ. އެ ފަރާތަށް ވެސް މަސްދަޅު ކޭސް ލިބޭނީ އައީޑީ ކާޑުގެ އަސްލު ގެންނެވުމުންނެވެ.
• ރަޖީސްޓްރީ ކުރި ފަރާތް ފިޔަވައި އެހެން ފަރާތަކަށް މަސްދަޅު ކޭސް ދޫނުކުރައްވާނެއެވެ.
• ރޯދަ ހަދިޔާ ބަލައި ދުރުވާއިރު ރަޖިސްޓްރީކޮށްފައިވާ ކަރަންޓް މީޓަރު ނުވަތަ މީޓަރުތަކުގެ 2025 ވަނަ އަހަރުގެ ނޮވެންބަރު ނުވަތަ ޑިސެންބަރު މަހުގެ ކަރަންޓްބިލްގެ ފޮޓޯ ކޮޕީއެއް ނުވަތަ ބިލްގެ އިލެކްޓްރޯނިކް ކޮޕީއެއް ގެންނަވަން ވާނެއެވެ.

ރޯދަ ހަދިޔާ ދޫކުރުމަށް ހަމަޖެހިފައިވާ މަރުކަޒުތައް 

މާލެ

• މިފްކޯ މަރުކަޒު
• ސޯޝަލް ސެންޓަރު
• އެމްޓީސީސީ ސޯމިލު
• ހެންވޭރު ބޯޅަދަނޑު
• ގަލޮޅުދަނޑު: ގޭޓް 2 (ސްޓޭޝަން 3 އަދި 4)، ގޭޓް 3 (ސްޓޭޝަން 1 އަދި 2)

ހުޅުމާލެ ފޭސް – 1

• ޢުމަރު ޒާހިރު ބިލްޑިންގ
• ޕޮލްކޯ ޓަވަރ
• މުޙައްމަދު ޤާސިމް ޕްރީސްކޫލް

ހުޅުމާލެ ފޭސް – 2

• ކާމިލުދީދީ ސްކޫލު
• ހިޔާޓަވަރު 10
• އެމްޕީއެލް ޓަވަރު - ޕީ ( ގްރައުންްޑް ފްލޯރ)

ރޯދަ ހަދިޔާ ދޫކުރުމަށް ހަމަޖެހިފައިވާ ދުވަސްތަކާއި، ގަޑިތައް:

ރޯދާ ހަދިޔާ ދޫކުރުމަށް ހަމަޖެހިފައިވަނީ 2026 ޖެނުއަރީ 24 އިން 2026 ފެބްރުއަރީ 11 އަށެވެ. 
ރޯދަ ހަދިޔާ ދޫކުރާނީ ހުކުރު ދުވަހުގެރޭ ފިޔަވާ ކޮންމެ ރެއަކު 8:30 އިން 11:00 އަށެވެ.

ޝަކުވާ ހުށަހެޅުން

ރޯދަ ހަދިޔާ ލިބިގަތުމުގައި މައްސަލައެއް ދިމާވެގެން އެއްވެސް ޝަކުވާއެއް ހުށަހަޅަން ބޭނުންވެލައްވާ ނަމަ، ޓެލެގްރާމް މެދުވެރިކޮށް މެސެޖަކުން ހުށަހެޅުއްވޭނެއެވެ. 

މި ކަމަށް ޚާއްޞަ ކުރެވިފައިވާ ނަންބަރަކީ 7741446 އެވެ.