ބައިނަލްއަޤްވާމީ ފެންވަރުގައި ފާހަގަކުރަމުންދާ އުފާވެރިކަމުގެ ދުވަހުގެ ތަހުނިޔާ، ދިވެހިރާއްޖޭގެ ޢިއްޒަތްތެރި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ޢާއިލާއަށާއި، ރާއްޖޭގެ އެކި ކަންކޮޅުތަކުގައި ލާމަރުކަޒީ ނިޒާމުގައި މަސައްކަތްކުރައްވާ އެންމެހައި ބޭފުޅުންނަށާއި އަދި އެންމެހައި ދިވެހި ރައްޔިތުންނަށް މިނިސްޓަރ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވާރކްސް އާދަމް ޝަރީފު ޢުމަރު އަރިސްކުރައްވައިފިއެވެ.

މިއަދު ދުނިޔޭގެ އެކިކަންކޮޅުތަކުގައި ފާހަގަކުރަމުންދާ ބައިނަލްއަޤުވާމީ އުފަވެރިކަމުގެ ދުވަހުގެ ތަހުނިޔާ މިނިސްޓަރ އާދަމް ޝަރީފު ޢުމަރު އަރިސްކުރެއްވީ، ޕީއެސްއެމަށް ދެއްވި ވީޑިޔޯ މެސެޖެއްގައެވެ.  

"ދުނިޔޭގެ އުފާވެރިކަމުގެ ދުވަސް ފާހަގަކުރެވެމުންދާ އިރު ދިވެހިރާއްޖޭގައި އުފާވެރިކަމުގެ މިންގަނޑެއް ކަނޑައެޅުމުގެ މަސައްކަތް އަޅުގަނޑުމެން މި ވަނީ ފަށާއިފަ. އެ ގޮތުން އިސްލަމްދީނާ އެއްގޮތަށް ޢަމަލުކުރުމަށް، އިޤްތިޞާދީ ކުރިއެރުމާއި އުފެއްދުންތެރިކަމަށް އިސްކަންދިނުން، ޞިއްޙަތާ، ދުޅަހެޔޮކަމާ، ތިމާވެށްޓާ، ދެމެހެއްޓެނިވި ތަރައްޤީއަށް ޢަމަލުކުރުމަށް އަދި ޓެކްނޮލޮޖީއާއި، މީޑިއާގެ ބޭނުންކުރުމާ، ސަޤާފަތާއި އާދަކާދަ ދިރުވުމުގެ އިތުރުން އަމާންކަމާ ރައްކާތެރިކަމުގެ ވެށްޓެއް ޤާއިމްކުރުމާ، މުޖުތަމަޢުގެ ބަދަހިކަމަށް އިސްކަންދީގެން މަސައްކަތްކުރުން ހިމެނެ" މިނިސްޓަރ ވިދާޅުވިއެވެ. 

ޕީއެސްއެމަށް މިނިސްޓަރ ދެއްވި މި ވީޑިޔޯ މެސެޖު ނިންމާލެއްވީ، މި މެސެޖުގައި މިނިސްޓަރ ފާހަގަ ކުރެއްވި ތަފާތު ދާއިރާތަކުން އެކަށޭނަ އިންޑިކޭޓާސްތަކެއް ތައްޔާރުކުރެވި، ރާއްޖޭގެ ރައްޔިތުންގެ އުފާވެރިކަން މިންކުރެވޭނެ ގޮތެއް ކައިރި ތާރީޚެއްގައި ފެނިގެންދާނެ ކަމަށް އުންމީދުކުރައްވަމުންނެވެ.