news photo

އެމްސީއެލްޕީ ރެކްރިއޭޝަން ކުލަބުގެ، ފުރަތަމަ މަދަޙަ މުބާރާތުގެ ފަޚުރުވެރި 1 ވަނަ، ޑެޕިޔުޓީ މިނިސްޓަރ މުޙައްމަދު ޢަލީ ހޯއްދަވައިފި

20 މާރިޗު 2025

މިނިސްޓްރީސް އޮފް ސިޓީސް ލޯކަލް ގަވަރމަންޓް އެންޑް ޕަބްލިކް ވާރކްސްގެ ރެކްރިއޭޝަން ކުލަބުގެ، ފުރަތަމަ މަދަޙަ މުބާރާތުގެ ފަޚުރުވެރި 1 ވަނަ ޑެޕިޔުޓީ މިނިސްޓަރ މުޙައްމަދު ޢަލީ ހޯއްދަވައިފިއެވެ. މިނިސްޓްރީގެ ޕަބްލިކް ވާރކްސް ޑިޕާމެންޓްގައި ބޭއްވި ޚާއްޞަ ތަރާވީހާއެކު ކުރިއަށް ގެންދިޔަ މި މަދަޙަ މުބަރާތުގައި އެ މިނިސްޓްރީ ތަފާތު ގިންތީގެ ތަފާތު ޖިންސުގެ ބޭފުޅުން މަދަޙަ ހުށަހެޅުއްވިއެވެ. 

ލަވަކިޔުމުގެ ފަންނުގައި، ރާއްޖޭގައި ނަން މަޝްހޫރު 3 ބޭފުޅަކު ފަނޑިޔާރުކަން ކޮށްދެއްވި މި މުބާރާތުގެ އިސް ފަނޑިޔާރު މުޙައްމަދު ޢަބްދުލްޣަނީ (ތޭރަވާ) ވިދާޅުވީ، މި މުބާރާތުގައި މަދަޙަ ހުށަހެޅުއްވި ބޭފުޅުންގެ ހުށަހެޅުއްތަކުން މި މިނިސްޓްރީގައި ރަނގަޅު ފެންވަރުގައި މަދަޙަ ހުށަހެޅޭނެ ބޭފުޅުން ތިއްބެވިކަން ފާހަގަވެގެން ދިޔަ ކަމަށެވެ. 

އެމްސީއެލްޕީ ރެކްރިއޭޝަން ކުލަބުގެ، ފުރަތަމަ މަދަޙަ މުބާރާތުގެ 2 ވަނަ، ޙާޞިލްކުރެއްވީ ޕޮލިޓިކަލް ޑިރެކްޓަރ މަޢުރޫފް ޙުސައިނެވެ. 3 ވަނަ ޙާޞިލްކުރެއްވީ އާކިޓެކްޓަރ އާމިނަތު ސަމީޒާއެވެ. މި މުބާރާތުގެ ވަނަތައް ޙާޞިލްކުރެއްވި ފަރާތްތަކަށް އިނާމު ޙަވާލުކޮށްދެއްވީ މިނިސްޓަރ އާދަމް ޝަރީފު ޢުމަރާއި، އިސް ފަނޑިޔާރު މުޙައްމަދު ޢަބްދުލްޣަނީއެވެ. 

ރޭ ބޭއްވުނު މި ޚާއްޞަ ތަރާވީހުގައި މިނިސްޓްރީގެ ގިނަ ޢަދަދެއްގެ ދޭސީ އަދި ބިދޭސީ މުވައްޒަފުން ވެސް ބައިވެރިވެލެއްވިއެވެ.