ކުރީގެ ޕަބްލިކް ވަރކްސް މިނިސްޓަރ އަލްފާޟިލް ޢަބްދުﷲ ކަމާލުއްދީން މިއަދު ހެނދުނު ފައްޓަވައިދެއްވި ހޭންޑް ބޯލް  މުބާރާތުގެ ޗެންޕިއަންކަން ރެޑުން އަދި ފުޓްސަލްގެ ޗެންޕިއަންކަން ގުރީނުން ހޯދައިފިއެވެ.

ހޭންޑް ބޯލް ޗެންޕިއަންކަން ރެޑުން ހޯދީ ފައިނަލްގައި ގުރީންގެ މައްޗަށް 2-0  ލަނޑުން ކުރި ހޯދައިގެންނެވެ. ފުޓްސަލް ޗެންޕިއަންކަން ގުރީނުން ހޯދީ  2-0  އިން އޮރެންޖު ބަލިކޮށްފައެވެ.

މުބާރާތުގެ ފައިނަލް މެޗަށްފަހު ޗެންޕިއަން ޓީމަށާއި، ރަނަރއަޕް ޓީމަށް ތަށި ޙަވާލުކޮށްދެއްވީ މިނިސްޓަރ އާދަމް ޝަރީފު  ޢުމަރެވެ. ފުޓްސަލް މުބާރާތާއި، ހޭންޑް ބޯލް މުބާރާތުގައި  4 ޓީމަކުން ވާދަކުރިއެވެ. އެއީ ރެޑް، އޮރެންޖު، ޕިންކު އަދި ގްރީނެވެ.

ރައީސް ޑރ. މުޙައްމަދު މުޢިއްޒުގެ ސަރުކާރަށާއި، މިނިސްޓްރީއަށް ދެ އަހަރުފުރުން ފާހަގަކުރުމަށް ކުރިއަށް ގެންދާ ޙަރަކާތުގެ ތެރޭގައި ހިމެނޭ ސްޓާފް އެވޯޑް ނައިޓް އަންނަ ޑިސެންބަރު މަހުގެ 3 ވަނަ ދުވަހުގެ ރޭ ޢިމާދުއްދީނު ސުކޫލުގައި ބޭއްވުމަށް ވަނީ ހަމަޖެހިފައެވެ.